Молитва священномученикам Серафиму, Михаилу и Иакову, преподобномученицам Пелагии, Марфе и преподобноисповеднице Матроне Дивеевским

О, святии священномученицы Серафиме, Михаиле и Иакове, преподобномученицы Пелагие, Марфо и преподобноисповеднице Матроно, многоименитому сонму новомучеников Российских причтении, с ними молите Господа нашего и Спаса Иисуса Христа, да сохранит Церковь Православную от соблазнов, ересей и расколов, да оградит страну нашу от всех наветов видимых и невидимых враг: вемы, яко живем ныне токмо ради крове мучеников излиянныя, да дарует же и нам Господь ничесоже боятися, верным же быти ему даже до смерти, и яко мучениколюбцем со мученики возрадоватися во Царствии Небеснем. Аминь.

Добавить комментарий

Ваш e-mail не будет опубликован. Обязательные поля помечены *